काठमाडाैं,  ।  गायक राजेश राईले नयाँ म्युजिक भिडियो ‘कान्छी’ ल्याएका छन् । यसअघिका आफ्ना गीत दर्शक र स्रोताले मन पराएपछि गायक राजेशले ‘कान्छी माया तिम्रो लाग्छ’ बोलको गीत सार्वजनिक गरेका हुन् ।  नेपाल सिंगिङ सुपरस्टारको प्रतिस्पर्धीसमेत रहेका उनको ‘कालो कालो’ र ‘ताेडियाे ताेडियाे’ गीत दर्शक र स्रोताले निकै मन पराएका थिए  । कान्छी पनि दर्शक र स्रोताले रुचाउने गायक राजेशको अपेक्षा छ । कान्छीमा सुन्दर मगरको शब्द सृजना र संगीत तथा अभिजंग क्षत्रीको संगीत संयोजन छ ।  फूलबुट्टे सारीजस्ता चर्चित गीतको भिडियोको निर्देशन गरेका राजेश पुमा राईको निर्देशनमा तयार पारिएको कान्छीको भिडियोमा सुरविना कार्की र इन्द्र खरेलको अभिनय छ ।उत्सव दाहालको छायांकन रहेको भिडियोलाई विकास दाहालले सम्पादन गरेका हुन् । प्रोडक्सन म्यानेजर दिपेन्द्र गौतम हुन् भने भिडियो निर्माणमा केदार उप्रेती छन् । देवीथान म्युजिक च्यानलबाट कान्छी सार्वजनिक गरिएको हो ।भिडियाे लिंक : https://www.youtube.com/watch?v=Ckg6QyjPWXA