काठमाडौं । पार्टी फुटपछि उपेन्द्र यादवले सरकार छाडेलगत्तै प्रधानमन्त्री पुष्पकमल दाहालले मन्त्रिपरिषद् विस्तार गरेका छन् ।  उनले जसपा नेपालबाट विभाजित नयाँ दल जसपाका दुई नेतालाई सोमबार साँझ मन्त्री नियुक्त गरेका हुन् । प्रदीप यादव मन्त्री र हसिना खानलाई राज्यमन्त्री पदमा नियुक्ति गरी स्वास्थ्य तथा जनसंख्या मन्त्रालयको कार्यभार ताकिएको हो ।  प्रधानमन्त्री दाहालको सिफारिसमा दुवैलाई राष्ट्रपति रामचन्द्र पौडेलले नियुक्ति गरेका हुन् । राष्ट्रपति भवनमा आयोजित विशेष समारोहमा यादवलाई राष्ट्रपति पौडेल र खानलाई प्रधानमन्त्री दाहालले पद तथा गोपनीयताको शपथ ग्रहण गराएका छन् । पार्टी विभाजनपछि उपेन्द्र यादवले सोमबार नै सरकार छाडेका थिए ।