काठमाडौं । दोस्रो संस्करणको नेपाल प्रिमियर लिग (एनपिएल) मा लुम्बिनी लायन्सले दोस्रो जितका साथ प्ले अफको संभावनालाई कायमै राखेको छ । लुम्बिनीले पोखरा एभेन्जर्सलाई ३ विकेटले हरायो । पोखराको यो तेस्रो हार हो । जितको लागि १ सय ५१ रनको चुनौती लुम्बिनीले १९ ओभर ४ बलमा ७ विकेट गुमाएर पिरा गर्‍यो । पहिलो ओभरमा मात्र २ रन जोड्दा लुम्बिनीले ओपनर सुमित महर्जनलाई गुमायो । उनी रनको खाता नखोली विपिन खत्रीकप बलमा आउट भए । लगतै अर्का ओपनर डार्सी सर्ट पनि ७ रनमा विपिनकै बलमा आउट हुँदा २२ रन मात्र बनाएको थियो । यसपछि कप्तान रोहित पौडेल र निरोसन डिकवेलाले तेस्रो विकेटको लागि ५४ रनको साझेदारी गरे । निरोसन २२ बलमा २ चौका र २ छक्का सहित ३७ रन जोडेर म्याट टेलरको बलमा आउट हुन पुगे । १० ओभर २ बलमा ३ विकेट गुमाउँदा लुम्बिनीले ७६ रन बनायो । चौथो विकेटको रूपमा दीलिप नाथ आउट भए । १० रन बनाएर दिलिप सागर ढकालको बलमा आउट भए । १४ ओभरको समाप्तीमा १०० रन बनएाको लुम्बिनीलाई ३६ बलमा जितको लागि ५१ रन जरूरी थियो । जहाँ १५ औं ओभरको पहिलो बलमा कप्तान रोहित ४० रन बनाएर सागर ढकालको बलमा विपिन खत्रीद्वाउा कमयाच आउट हुन पुगे । ठूलो विकेट सागरले लिए । ३६ बलमा रोहितले ३ चौका र २ छक्का प्रहार गरे । उनी पाँचौं विकेटको रूपमा आउट हुँदा टिमले १०० रन मात्र बनाएको थियो ।
१५ ओभरको समाप्तीमा १ सय २ रन जोड्दा बाँकी ३० बलमा ४९ रन बनाउनुपर्ने थियो। क्रिजमा गुलबद्दीन नयाब र सन्दीप जोरा थिए । १८ बलमा २६ रन चाहिंदा १८ औं ओभरको तेस्रो बलमा १७ रन बनाएका गुलद्दिन म्याट टेलरको बलमा किरण ठगुन्ननाले क्याच आउट गरे। किरणले उत्कृष्ट क्याच लिए । रिबेन ट्रम्पलम्यान क्रिजमा छिरे । लुम्बिनीलाई १२ बलमा २१ रन जरूरी थियो । १९ औं ओभरमा ११ रन बनाएर लुम्बिनीले ट्रम्पलम्यानलाई गुमायो ।
अन्तिम ओभरमा १० रन जरूरी हुँदा जोराले पहिलो बलमा २ र दोस्रो बलमा चौका र चौथो बलमा चौका प्रहार गर्दै लुम्बिनीलाई जित दिलाए । सअघि टस जितेर लुम्बिनीका कप्तान रोहित पौडेलले बलिङ गर्ने निर्णय गरेपछि पोखराले २० ओभरमा ५ विकेट गुमाएर १ सय ५० रन जोड्यो । खराब सुरूवात गरेको पोखराको लागि एडम र निशमको साझेदारी महत्वपुर्ण रहयो। पहिलो १० ओभरमा संघर्ष गरेको पोखराले ३८ रन मात्र बनायो। यसपछि बाकी १० ओभरमा १ सय १२ रन जोड्दै प्रतिस्पर्धात्मक चुनौती दिन सफल रहयो ।
निकै स्लो सटार्ट गरेको पोखराले पहिलो पावर प्लेमा २ विकेट गुमाएर मात्र २७ रन जोड्न सक्यो । चौथो ओभरमा शेर मल्लले दुई विकेट निकाले। ओपनर दिनेश खरेल ७ रनमा शेरको बलमा रोहित पौडेलद्वारा क्याच आउट भए । वान डाउनमा क्रिजमा छिरेका कुशल भुर्तेल शेरको बलमा गोल्डेन डक आउट भए । एलबिडब्लु आउट भएका कुशल लगातार दोस्रो खेलमा गोल्डेन डक आउट भएका हुन् । ४ ओभरको समाप्तीमा १५ रन जोड्दा दुई विकेट गुमायो ।
लगतै सुमित बर्मा गुलबद्दीन नायबको बलमा रनको खाता नखोली एलबिडब्लु आउट भए । टप अर्डरको प्रदर्शन निराशाजनक रहँदा चौथो विकेटको रूपमा त्रितराज दास पनि १ रनमा तिलक भण्डारीद्वारा बोल्ड आउट भए । ४ विकेटको क्षतिमा ३३ रन जोडेर संघर्ष गरेको पोखराले १० ओभरको समाप्तीमा ३८ रन बनायो । जुन जारी एनपिएलमा १० ओभरमा बनेको अहिलेसम्मकै कम स्कोर हो ।
यसपछि जेम्स निशम र एडम रोसिङ्गटनले इनिङ्स सम्हाले । यो क्रममा ५२ बलमा ५ चौका र २ छक्का सहित अर्धशतक बनाए । पाँवौ विकेटको लागि यी दुईले ९२ रनको महतयसाझेदारी गरे । ६३ बल खेल्दै ७ चौका र ५ छक्का सहित ८१ रनको उत्कृष्ट पारी खेले।‌ तिलकको बलमा उनी सेर मल्लद्वारा कमयाच आउट भए । उनी आउट हुँदा टिमले १८ ओभर २ बलमा १ सय २५ रन बनाएको थियो । निशमले पनि अविजित ५१ रन जोडे। उनले ३२ बलमा ३ चौका र ३ छक्का प्रहार गरे । बलिङमा शेर र तिलकले २र२ विकेट लिए। ४ ओभर बलिङ गर्दै शेरले २३ र तिलकले २५ रन दिए ।
पोखराको लागि यो चौथो खेलमा तेस्रो हार हो । उसँग २ अंक मात्र रहेको छ । लुम्बिनीको भने पाँचौं खेल हो । जहाँ दोस्रो जितकासाथ ४ अंक बनाएको छ ।
आजै हुने दोस्रो खेलमा गत संस्करणको फाइनलिष्ट सुदुरपश्चिम रोयल्स र जनकपुर बोल्ट्सबीच प्रतिस्पर्धा हुँदैछ । यो पटक जनकपुरको स्थिति गत संस्करण भन्दा ठीक विपरीत रहेको छ। अंकको खाता खोल्न नसकेको जनकपुर लिगको पुछारमा रहेको छ ।