काठमाडौं । दोस्रो नेपाल प्रिमियर लिग (एनपिएल) मा आज हुने पहिलो खेलमा लुम्बिनीले पहिला बलिङ गर्ने निर्णय गरेको छ । शनिबार त्रिवि मैदानमा सुरु हुन लागेको पहिलो खेलमा टस जितेर लुम्बिनीका कप्तान रोहित पौडेलले बलिङ गर्ने निर्णय गरेको हो । यो सँगै पोखराले पहिले ब्याटिङ गर्नेछ । पोखराको लागि यो चौथो खेल हो । उसले २ मा हार र १ मा जित निकालेको छ । लुम्बिनीको भने पाँचौं खेल हो उसले पनि मात्र १ खेल जित्दा बाँकी ३ खेलमा लगातार हार बेहोरेको छ । त्यसैले दुवै टोलीलाई जित आवश्यक छ । लुम्बिनीलाई भने प्ले अफ संभावनालाई जिवितै राख्न पनि जितको विकल्प छैन । हारले लुम्बिनीको प्ले अफ संभावना अंक गणितमा मात्र बाँकी रहनेछ। गर या मरको स्थितिमा रहेको छ । गत संस्करण पुछारमा रहेको लुम्बिनीलाई थप दबाब भने रहेको छ । यता पोखराले पनि मात्र १ खेल जितेको कारण उसलाई पनि जित उतिकै जरुरी रहेको छ । अंक तालिकामा पोखरा छैटौं र लुम्बिनी सातौं स्थानमा छन् ।