मुम्बई । बलिउड सुपरस्टार अमिताभ बच्चनको जन्मदिनको अवसरमा उनका प्रशंसकहरूले खुशीयाली मनाएका छन् ।  ‘बिग बी’ भनेर चिनिने अमिताभ ८३ वर्ष पुगेको अवसरमा प्रशंसकहरू शनिबार भारतको मुम्बईस्थित उनको घर बाहिर भेला भएका थिए । अमिताभ आफ्ना प्रशंसकहरूलाई अभिवादन गर्दै र उपहारहरू प्रदान गरेको दृश्य निकै रोचक देखिन्छ । भारतको पश्चिमी सुरत शहरमा, एक कलाकारले हीरा प्रयोग गरेर अभिनेताको चित्र समेत बनाएका थिए । हालैका वर्षहरूमा, उनी ‘कौन बनेगा करोडपति’ को सेलिब्रेटी होस्टको रूपमा चर्चित छन् ।  १९६९ मा फिल्म उद्योगमा सामेल भएका उनका २०० भन्दा बढी चलचित्रहरू निर्माण भएका छन् ।  १९८२ मा एक फिल्म सेटमा एक एक्सन दृश्यको छायांकनको क्रममा अभिनेतालाई घातक चोट लागेको थियो र उनी धेरै महिनासम्म गम्भीर बिरामी भएका थिए ।–एएनआइ