काठमाडौं  ।  नेपालका लागि पहिलो पटक सृजना राणा बंगलादेश, भारत, नेपाल र श्रीलंकालाई समेट्ने गरी जोन्टा इन्टरनेसनल डिस्ट्रिक्ट २५ को गभर्नरमा निर्वाचित भएकी छन्। द्विवार्षिकी  Biennium  २०२२ /२०२४ को लागि गभर्नरहरूको स्थापना असार १५ मा जोन्टा इन्टरनेसनल कन्भेन्सन जर्मनीको ह्याम्बर्गमा भएको थियो। 
जोन्टा इन्टरनेसनल डिस्ट्रिक्ट २५ को गभर्नरको रूपमा नेतृत्व गर्न पाउँदा म साँच्चै सम्मानित छु। जोन्टाको जनादेश अनुसार, म महिला सशक्तिकरणको लागि काम गरिरहने र उनीहरूको अधिकारको वकालत गर्न र यस क्षेत्रका महिलाहरू र केटीहरूलाई उनीहरूको पूर्ण क्षमता हासिल गर्न मद्दत गर्न प्रतिबद्ध छु,  सृजना राणाले भनिन्। नेपालको पर्यटन र आतिथ्य क्षेत्रका प्रमुख व्यक्तित्व सुश्री राणा हाल नेपाल–भारत चेम्बर अफ कमर्स एण्ड इन्डस्ट्रिज र होटल एसोसिएसन अफ नेपालकी प्रथम महिला अध्यक्षका रूपमा काम गरिरहेकी छिन् ।

साउन १ गते जोन्टा क्लव काठमाण्डौंको साधारण बैठकमा, नवनियुक्त गभर्नर राणालाई अभिनन्दन गर्दै जोन्टा क्लब काठमाडौंका अध्यक्ष आभा शाहले भनिन् , “जोन्टा क्लब काठमाडौंलाई चार्टर गरेको ९ वर्षभन्दा कम अवधिमा हामीले यो उल्लेखनीय कोसेढुङ्गा हासिल गरेका छौं, जसले हामी सबैलाई उत्प्रेरित गर्छ । जोन्टाको मिशन र भिजनलाई प्रवर्द्धन गर्न गभर्नर राणाको नेतृत्वमा अझ काम गर्न गर्व र उत्प्रेरित गर्दछ।क्लबले डिस्ट्रिक्ट नं २५ की कोषाध्यक्ष मीरा ज्योति,  सेक्रेटरी निलिमा श्रेष्ठ र भाइस एरिया डाइरेक्टर  एरिया २  कि सीमा गोल्छालाई पनि सम्मान गरेको थियो ।

जोन्टा एक  गैर नाफा मुलक संस्था हो । यो संस्थाको सन्जाल बिश्वका ६४ वटा मुलुकमा फैलिएको छ । नेपालमा बिगत ९ बर्ष देखि स्वाथ्य , शिक्षा ,मानवाधिकार  ,समानता र आर्थिक सशत्तिकरण , बालबिवाह र मानव बेचबिखन  रोकथाम, लैङिगक हिंसा रोकथाम लगायत विभिन्न क्षेत्रमा काम गर्दै आइरहेको छ ।जोन्टा अन्तरार्ष्ट्रिय संस्थाको भिजन महिलाहरूलाई सेवा र वकालत मार्फत विश्वव्यापी रुपमा सशक्तिकरण गराउनु हो ।