इस्लामावाद । पाकिस्तानको दक्षिणपश्चिमी बलुचिस्तान प्रान्तमा भएको सैनिक कारबाहीमा परेर कम्तीमा पनि ६ जना आतङ्ककारी मारिएका समाचारमा जनाइएको छ ।
बलुचिस्तान प्रान्तका कतिपय पहाडी इलाकामा केही समय यतादेखि आतङ्ककारी गतिविधी बढेको भन्ने सूचनाका आधारमा सो कारबाही गरिएको पाकिस्तानको सेनाले जनाएको छ ।
पाकिस्तानी सेनाका अनुसार सो प्रान्तमा बलुचिस्तान लिबरेसन्स् फ्रन्ट नामक एक आतंककारी समूहले प्रहरी चौकी तथा सैनिक पोष्टमा हमला गर्ने गरेको थियो ।
सो समूहका आतंककारी खोज्ने क्रममा आइतबार ६ जना मारिएका पाकिस्तानी सेनाले जनाएको छ । पाकिस्तानी सेनाले दिएको जानकारीअनुसार उक्त आक्रमणमा परेर मारिएकामा यस्तै सुरक्षाकर्मीमाथि हमला गर्ने गरेका आतङ्ककारी रहेका छन् ।
सो क्षेत्रमा केही महिना यतादेखि सैनिक पोष्टहरुमा आक्रमण गर्ने गरेको सो समूहका अन्य केही सदस्य र हातहतियार पनि उक्त सैनिक टोलीले कब्जा गरेको बताइएको छ ।

इराकमा हवाई आक्रमणमा ४ आईएस लडाकु मारिए
पश्चिमी इराकमा भएको हवाई हमलामा आइतबार इस्लामिक स्टेट (आईएस) समूहका अन्बार प्रान्त समूहका नेतासहित चार लडाकु मारिएको इराकी सेनाले जनाएको छ।
 इराकी सशस्त्र सेनाले राजधानी बगदबाट करिब ३९० किलोमिटर पश्चिममा रुतबा शहर नजिकैको मरुभूमि क्षेत्रमा अन्बारमा अबु मन्सुर उपनाम दिएका आईएस नेता र अन्य तीन जना लडाकुहरूलाई बोकेको ट्रकमा आक्रमण गरेका थिए।
विज्ञप्तिमा भनिएको छ, सेनाले पछि लक्षित स्थानमा खोजी गर्योम र चार शव, एक नष्ट ट्रक, दुई विस्फोटक बेल्ट, दुई राइफल र एक पेस्तोल फेला पारेको थियो।
अबु मन्सुर अल(रुत्बा क्षेत्रमा बगदाद(अम्मान अन्तरराष्ट्रिय सडकमा नागरिकहरूलाई लक्षित गर्ने जिम्मेवार व्यक्तिहरू मध्ये एक हो ।  उनले इराक र सिरियामा आईएस समूहमा धेरै पदहरू सम्हालेका मन्त्रालयको गुप्तचर सेवाले जारी गरेको विज्ञप्तिमा जनाइएको छ ।
इराकी सुरक्षा बलहरूले विगत केही महिनादेखि आइएस लडाकुहरूका तीब्र गतिविधिहरूलाई रोक्न लडिरहेका छन्।
सन् २०१७ मा आईएसको पराजयपछि इराकको सुरक्षा स्थितिमा सुधार भइरहेको छ। यद्यपि, आईएसका अवशेषहरू शहरी केन्द्रहरू, मरुभूमि र  अन्य क्षेत्रहरूमा छिटफुट मात्रामा छन् र सुरक्षा बल र नागरिकहरू विरुद्ध बारम्बार छापामार आक्रमणहरू गर्दै आएका छन् ।–रासस/सिन्ह्वा