सोसल मिडिया
Contact Us
युनिकोड
बैतडी । सुदूरपश्चिम प्रदेशमा सोमबार ३६ जनामा कोरोना भाइरस सङ्क्रमणको पुष्टि भएको छ । गएको २४ घण्टामा प्रदेशभर पीसीआर र एन्टिजेन विधिबाट एक हजार ४०३ जनाको नमूना परीक्षण गरिएको थियो । छब्बिस जनामा आरटी पीसीआर र १० जनामा एन्टिजेन विधिमार्फत गरिएको परीक्षण गरिएको थियो । पीसीआर विधिमार्फत सेती प्रादेशिक अस्पतालमा १८, डडेल्धुरा अस्पतालमा चार,जिल्ला अस्पताल बैतडीमा तीन र महाकाली अस्पतालमा एक जनामा सङ्क्रमण पुष्टि भएको हो । एन्टिजेन विधिमार्फत कञ्चनपुरमा पाँच, कैलाली र डडेल्धुरामा दुई÷दुई र बैतडीका एक जनामा सङ्क्रमण देखिएको हो । गएको २४ घण्टामा प्रदेशभर २९ जनाले कोरोना जितेका छन्, भने उक्त अवधिमा यस प्रदेशमा सङ्क्रमणका कारण एक जनाको पनि मृत्यु भएको छैन । यसअघि आइतबार यस प्रदेशमा १५ जनामा सङ्क्रमणको पुष्टि हुँदा २९ जना निको भएका थिए ।
प्रदेश नं १ मा १८६ जनामा कोरोना सङ्क्रमण
प्रदेश नं १ मा पछिल्लो २४ घण्टामा १८६ जनामा कोरोना सङ्क्रमण भएको छ । आठ सय २६ जनाको पिसिआर परीक्षण गर्दा १३९ र २३८ जनाको एन्टिजेन परीक्षण गर्दा ४७ जनाको रिपोर्ट पोजेटिभ आएको सामाजिक विकास मन्त्रालयले जनाएको छ । मन्त्रालयका अनुसार पिसिआर परीक्षणका आधारमा झापामा ६६, मोरङमा ४४ मध्ये विराटनगरमा २८, सुनसरीमा २४, उदयपुरमा दुई, पाँचथर, ताप्लेजुङ, र धनकुटामा एक–एकजनामा सङ्क्रममण देखिएको हो । प्रदेशमा आजै १८७ महिलासहित ३२० जना कोरोना सङ्क्रमणमुक्त भएका छन् । सो अवधिमा एक महिला र दुई पुरुष गरी तीन जनाको मृत्यु भएको मन्त्रालयले जनाएको छ ।