सोसल मिडिया
Contact Us
युनिकोड
काठमाडौं । प्रधानमन्त्री कप टी २० महिला क्रिकेटको समूह चरण–अन्तिम खेलमा मधेश प्रदेश विजयी भएको छ । मधेश प्रदेशले कर्णाली प्रदेशलाई ७८ रनले पराजित गरेको हो । १०० रनको लक्ष्य पछ्याएको कर्णाली प्रदेश ९.४ ओभरमा २१ रनमा अलआउट भएको थियो ।
कर्णालीलाई रोक्ने क्रममा मधेश प्रदेशकी कविता कुँवरले ४ विकेट लिइन् । यसैगरी सरस्वती कुमारीले ३ विकेट लिँदा आरती महतोले २ तथा कविता गौतमले १ विकेट लिए ।
कर्णालीका लागि बिना थापाले सर्वाधिक १२ रनको नटआउट पारि खेल्दा कप्तान किरण कुँवरले ६ रन बनाइन् । ९ खेलाडीले खाता खोल्न सकेनन् भने त्यसमा ५ जना खेलाडी गोल्डेन डकआउट भए ।
गोल्डेन डकआउट हुने खेलाडीहरुमा तिर्सना विश्वकर्मा, विमला बुढाथोकी, रश्मि खड्का, श्रुती बुढा र निलम शाही रहेका छन् । यस्तै नीतिका धमला, करिश्मा शाही, अञ्जु गुरुङ, गौरी बोहोराले केही बल फेस गरे पनि खाता खोल्न असफल रहे ।
पहिला ब्याटिङ गर्दा मधेश प्रदेशका लागि पुजा महतोले ४९ रनको पारि खेलिन् । यसैगरी सरस्वती कुमारीले १८ रन बनाउँदा अरुले दोहोरो अंकमा रन बनाएनन् । कर्णालीका लागि तिर्सना विश्वकर्माले २ विकेट लिँदा अञ्जु गुरुङ र बिना थापाले एक एक विकेट लिए ।