कीभ (युक्रेन), २७ वैशाख । राष्ट्रपति भ्लादिमिर पुटिनले सोमबार रूसले युक्रेनविरुद्ध युद्धद्वारा आफ्नो “मातृभूमि“ को रक्षा गरिरहेको बताएका छन् । मस्कोले नाजी जर्मनीमाथि सन् १९४५ को विजयको सम्झनामा सैन्य परेडमा बल प्रदर्शन जारी राखेको बेला पुटिनको यो टिप्पणी आएको हो ।
राष्ट्रपति पुटिनले आजको द्वन्द्वका लागि पश्चिम र युक्रेनलाई दोष दिँदै मस्कोको रेड स्क्वायरमा हजारौँ सेनालाई रुसले ‘विल्कुल अस्वीकार्य खतरा’ र ‘विश्व युद्धको भयावहता’ विरुद्ध चेतावनी दिएको बताएका छन् ।
विशाल अन्तरमहाद्वीपीय ब्यालिस्टिक मिसाइलहरू स्क्वायरमा गुडिरहेको बेला पुटिनले कुनै ठूलो घोषणा भने गरेनन् ।
तेस्रो महिनामा प्रवेश गरेको युद्ध हाल पूर्वी युक्रेनमा केन्द्रित छ । रुसले राजधानी कीभ र उत्तरलाई आफ्नो कब्जामा लिने प्रयास गरिरहेको देखिन्छ ।
एएफपी टोलीले सेभेरोडोनेत्स्क सहरबाट टाढा जाने मुख्य सडकमा सैनिक र भारी उपकरणहरूले भरिएका ट्रकहरूको स्तम्भहरू रेपोर्ट गरेको छ  जसले युक्रेनले पूर्वी लुगान्स्क क्षेत्रमा आफ्नो अन्तिम गढको रक्षा गरिरहेको सङ्केत दिन्छ ।
अधिकारीहरूले आइतबार पूर्वी गाउँ बिलोगोरिभकाको एक विद्यालयमा भएको रुसी हवाई आक्रमणमा ६० सर्वसाधारणको मृत्यु भएको जनाएका छन् । जुन २४ फेब्रुअरीमा भएको आक्रमणपछि सबैभन्दा बढी एकल मृत्युको सङ्ख्यामध्ये एक हो ।
लुगान्स्क क्षेत्रका गभर्नर सर्गी गैडेले सोमबार बिलोगोरिभका र रुबिझ्ने वरपर ‘धेरै गम्भीर लडाइहरू’ भएको बताएका छन् ।

क्यानाडाका प्रधानमन्त्री युक्रेनमा राष्ट्रपति जेलिन्स्किीसँग भेटवार्ता
क्यानाडाली प्रधानमन्त्री जस्टिन ट्रयुडेउ युक्रेन पुगेसँगै युक्रेनका राष्ट्रपति भोलोदोमिर जेलिन्स्किीसँग भेटवार्ता पनि गरेका छन् । उनीहरुका बीचमा युक्रेनको पछिल्लो अवस्थाका बारेमा कुराकानी भएको थियो ।
त्यस अवसरमा क्यानाडाले युक्रेनलाई गर्ने सहायताका बारेमा कुराकानी भएको थियो । त्यसक्रममा युक्रेनका राष्ट्रपति जेलिन्स्किीले रुसका विरुद्धमा थप नाकाबन्दीका लागि आग्रह गरेका थिए ।
साथै राष्ट्रपति जेलिन्स्किीले क्यानाडासँग युक्रेनका लागि थप सैन्य तथा अन्या मानवीय सहायता सामग्रीहरुको माग गरेका थिए । त्यस अवसरमा क्यानाडाली प्रधानमन्त्रीले युक्रेनका लागि थप सैन्य सहयोग र अन्य आर्थिक सहायतासम्बन्धी प्याकेजको पनि घोषणा गरेका थिए ।– रासस/सिन्ह्वा