लण्डन, ११ माघ । बेलायतमा कोरोनाभाइरसको महामारी न्यूनीकरणका लागि लगाइएका सबै प्रतिबन्धात्मक व्यवस्था हटाइने भएको छ । 
अर्को महिना फेवु्रअरी ११ देखि सबै प्रतिबन्धात्मक व्यवस्था हटाउने निर्णय लागू नै हुने अधिकारीहरूले जानकारी दिएका छन् । 
प्रतिबन्धात्मक व्यवस्था हटाइएसँगै भारतलगायतका देशबाट बेलायत प्रवेश गर्नलाई पनि अब खुल्ला हुने भएको छ । तर ती यात्रुहरूले खोपको पूरा मात्रा लगाएको हुनुपर्ने सर्त भने राखिएको छ । यातायात विभाग र स्वास्थ्य तथा सामाजिक सुरक्षा विभागले सूचना जारी गर्दै आगामी फेब्रुअरी ११ तारिखको बिहान ४ बजेदेखि सबै प्रतिबन्धात्मक व्यवस्थाहरू हट्ने स्पष्ट पारेको छ ।
पूरा मात्राको खोप लगाएका विदेशबाट आएका यात्रुहरूले पनि त्यो दिनदेखि आइसोलेसनमा बस्नु नपर्ने र पीसीआर परीक्षणको नतिजा देखाउनु नपर्ने सूचनामा उल्लेख गरिएको छ । त्यसैगरी १२ वर्षदेखि १५ वर्षसम्मका बालबालिकालाई भने इङ्गल्याण्डमा हिँडडुल गर्नका लागि खोप लगाएको प्रमाण देखाउनुपर्ने व्यवस्था गरिएको छ । यात्रासम्बन्धी धेरै नीति फेबु्रअरीदेखि परिवर्तन हुने भएको छ । यही बेलामा सरकारले सबैलाई अतिरिक्त खोपको व्यवस्था गर्ने लक्ष्य राखेको छ ।– रासस/एएनआई