वाशिङ्गटन (अमेरिको),  ११ माघ । युक्रेन सङ्कटबारे छलफल गर्न अमेरिकी राष्ट्रपति जो बाइडेनले युरोपेली नेताहरूसँग १ घण्टा २० मिनेट भिडियो कन्फरेन्समार्फत् छलफल गर्नुभएको ह्वाइट हाउसले जनाएको छ।
ूयुरोपेली नेताहरूसँग राष्ट्रपतिको सुरक्षित भिडियो कल ३स्०५ बजे शुरु भएर ४स्२५ बजेको,ू प्रेस पुल रिपोर्टले सोमबार साँझ उल्लेख गरेको छ । बैठकमा युरोपेली आयोगका अध्यक्ष उर्सुला भोन डेर लेयन, युरोपेली परिषद्का अध्यक्ष चार्ल्स मिशेल, फ्रान्सका राष्ट्रपति इमानुएल म्याक्रोन, जर्मन चान्सलर ओलाफ स्कोल्ज, इटालीका प्रधानमन्त्री मारियो ड्राघी, नेटोका महासचिव जेन्स स्टोल्टेनबर्ग, पोल्याण्डका राष्ट्रपति एन्ड्रेज डुडा र बेलायतका प्रधानमन्त्री बोरिस सहभागी थिए । 
रुस र युक्रेन बीचको तनावले सिमाना नजिक सेनाको निर्माणको बीचमा युक्रेनलाई सम्भावित आक्रमणबाट रोक्न थप सैन्य सहायता प्रदान गर्ने युरोपेली सुरक्षा स्थितिमा अमेरिकाको थप संलग्नताको बारेमा छलफल भएको जनाइएको छ ।
यता रूसले भने आफूले कुनै देशमा आक्रमण नचाहेको स्पष्ट पारेको छ ।  त्यसैगरी नाटोलाई चेतावनी दिदै आफ्नो देशको सिमाना नजिकको नाटोका सैन्य गतिविधि राष्ट्रिय सुरक्षाको खतराको रूपमा लिएको जनाएको छ ।

अमेरिकी विदेशमन्त्री र कतारका उपप्रधानमन्त्री अल(थानीबीच छलफल

अमेरिकी विदेशमन्त्री एन्टोनी ब्लिन्केनले सोमबार कतारी विदेशमन्त्री मोहम्मद बिन अब्दुलरहमान अल थानीसँग टेलिफोनमा कुराकानी रुस र युक्रेन बीच बढ्दो तनावका विषयमा छलफल गरेका छन् । 
प्रवक्ता नेड प्राइसले युक्रेनको सिमाना नजिक रुसको सैन्य  उपस्तितिका विषयमा छलफल भएको बताए । सो अवसरमा मन्त्री ब्लिन्केनले अमेरिकी नागरिक, कानुनी स्थायी बासिन्दा र अफगान साझेदारको अफगानिस्तानबाट सुरक्षित ट्रान्जिटमा सहयोग जारी राखेकोमा कतारलाई धन्यवाद दिएका छन् । 
ब्लिन्केन र अलथानी बीच काबुलबाट तुरुन्तै स्थानान्तरण उडान पुनस्शुरु गर्न र अफगानिस्तानका जनतालाई जीवन बचाउने आर्थिक र मानवीय आवश्यकता उपलब्ध गराउन सहयोगबारे पनि छलफल  भएको जनाइएको छ।-एएनआई/स्पुतनिक