सोसल मिडिया
Contact Us
युनिकोड
कोपेनहेगन (डेनमार्क) स्वीडेनका स्वास्थ्य अधिकारीहरूले बुधबार मोर्डनाको कोभिड–१९ विरुद्धको खोप ३० वर्ष वा सोभन्दा कम उमेरका मानिसहरूमा लगाउन बन्द गरेका छन् । अधिकारीहरूले उक्त खोप रोक्नुको कारण यसको ‘साइड इफेक्ट’ प्रमुख रहेको जनाएका छन् । मुटुको मांसपेशी वा पेरिकार्डियम सुन्निने जस्ता साइड इफेक्टको बढ्दो जोखिमका कारण उक्त खोप लगाउन हाललाई स्थगित गरिएको छ । स्वीडेनका प्रमुख महामारीविद् एन्डर्स टेगनेका अनुसार परिस्थितिलाई नजिकबाट नियालेर कोभिडविरुद्धको खोप पुनः लगाउन सकेसम्म सुरक्षाको सुनिश्चिता भएपछि छिटै आवश्यक कदम चालिनेछ । गत जुलाईमा युरोपेली औषधि एजेन्सीले १२ देखि १७ वर्ष उमेर समूहका व्यक्तिलाई उक्त खोप लगाउने अनुमति प्रदान गरेको थियो । युरोपेली युनियनका २७ देशहरूमा १८ वर्षमाथिका व्यक्तिहरूलाई सो खोप लगाउन गत जनवरीमा अनुमति प्रदान गरिएको थियो । यद्यपि यो खोप हालसम्म बालबालिकालाई लगाउन भने अनुमति दिइएको छैन ।– एपी