काठमाडौं । नेकपा (एमाले)को स्थायी कमिटी बैठक आज मध्यह्न बस्दैछ । प्रधानमन्त्री निवास बालुवाटारमा दिउँसो २ बजे बैठक बस्ने एमाले कार्यालय सचिव शेरबहादुर तामाङले जानकारी दिए । उनका अनुसार बैठकमा सरकारले प्राप्त गर्ने विश्वासको मत, राष्ट्रियसभा सदस्य उपनिर्वाचनको समीक्षा र समसामयिक राजनीतिक विषयमा छलफल हुने बताइएको छ। राष्ट्रियसभा सदस्य निर्वाचनमा पार्टीका वरिष्ठ नेता माधवकुमार नेपाल समूहबाट पर्याप्त सहयोग नभएको विषयमा छलफल हुने पार्टीका एक नेताले जानकारी दिए । राष्ट्रियसभा सदस्यमा उम्मेदवरी दिएका गृहमन्त्री रामबहादुर थापाले वरिष्ठ नेता माधव नेपाल समूहसँग सहयोग मागे पनि यो समूहले विवेक प्रयोग गर्न गरेको आह्वानका विषयमा पनि बैठकमा छलफल हुने बताइएको छ ।