सोसल मिडिया
Contact Us
युनिकोड
काठमाडौं । जिल्ला प्रहरी परिसर घेर्न पुगेको तामाङ समुदाय र प्रहरीबीच झडप भएको छ । झडपका क्रममा प्रहरीले ३५ जनाभन्दा बढी प्रदर्शनकारी पक्राउ गरिएको काठमाडौं परिसरका डीएसपी अनिल अधिकारीले जानकारी दिए । परिसरमै प्रदर्शनमा उत्रिएका तामाङ समुदाय र प्रहरीबीच झडप भएको हो । अधिवक्ता भगवती पाण्डेलाई पक्राउ गरिसकिएको भन्दै प्रदर्शन नगर्न आग्रह गरे पनि आन्दोलनकारीले नमानेपछि पक्राउ गरिएको प्रहरीको दाबी छ । प्रर्दशनमा उत्रिएकामाथि प्रहरीले लाठी चार्ज र अश्रुग्यास समेत हानेको छ ।
विवादास्पद अभिव्यक्ति दिएकी अधिवक्ता पाण्डे पक्राउ तामाङ समुदायबारे विवादित अभिव्यक्ति दिएकी अधिवक्ता भगवती पाण्डेलाई प्रहरीले पक्राउ गरेको छ । एक टेलिभिजन कार्यक्रमका क्रममा तामाङ समुदायमा दाजुबहिनीबीच पनि बिहे गर्ने चलन रहेको अभिव्यक्ति दिएपछि त्यसविरुद्ध सो समुदाय आन्दोलित भएपछि उनलाई प्रहरीले पक्राउ गरेको हो ।
साउन १२ गते नै जिल्ला अदालत काठमाडौंले अधिवक्ता पाण्डेविरुद्ध पक्राउ अनुमति दिएको थियो । तामाङ र मगर समुदायप्रति विवादित टिप्पणी गरेपछि उनीविरुद्ध ती समुदायका सदस्यहरूले प्रहरीमा उजुरी गरेका थिए ।