काठमाडौं । वाग्मती प्रदेश नेपाली कांग्रेस संसदीय दलको नेतामा बहादुरसिंह लामा निर्वाचित भएका छन् । लामाले २१ मत प्राप्त गरेका छन् भने बाँनियाले १६ मत पाएका छन् । वाग्मती प्रदेश सभामा नेपाली कांग्रेसका ३७ जना सांसद् छन् । आज दिउँसो २ बजेदेखि वाग्मती कांग्रेस संसदीय दलको कार्यालयमा दलको नेता चयनका लागि मतदान भएको थियो । संस्थापन पक्षका दुबै नेता भिडन्तमा उत्रिएपछि बहादुरलाई संस्थापनइतरले सहयोग गरेको थियो । संस्थापनइतरको त्यही ५ मत बहादुरका लागि जित निश्चित गर्ने मत बन्यो । केन्द्रीय सदस्यसमेत रहेका बहादुरलाई कांग्रेस सहमहामन्त्री महालक्ष्मी उपाध्याय, प्रवक्ता डा. प्रकाशशरण महत, नेताहरु मोहनबहादुर बस्नेत र मोहन आचार्यलगायतको साथ थियो ।