ललितपुर । ललितपुर महानगरपालिकाको १ सय ४ औं स्थापना दिवसको अवसरमा आयोजित मैत्रीपूर्ण खेलमा मेयर्स ११ को टोली प्रमुख प्रशासकीय अधिकृत ११ सँग पराजित भएको छ ।

जावलाखेलस्थित फुटबल मैदानमा भएको खेलमा अधिकृत ११ले मेयर्स ११ लाई ३-१ ले हरायो । पहिलो हाफमा अधिकृत ११ ले २-० को अग्रता लिएको थियो । दोस्रो हाफमा दुवै टोलीबाट १-१ गोल भएको थियो । अधिकृत ११ को तर्फबाट प्रसाशन प्रमुख सागर थापाले दुई गोल गरे । नगर प्रहरी मदन महर्जनले एक गोल गरेका थिए ।

जनप्रतिनिधिको तर्फबाट वडा नम्बर १ का अध्यक्ष राजेन्द्र महर्जनले गोल गरेका थिए । मेयर ११ को कप्तानमा ललितपुर महानगरपालिका मेयर चिरबाबु महर्जन र अधिकृत ११ को कप्तानमा प्रमुख प्रशासकीय अधिकृत गणेश अर्यालले कप्तानी गरेका थिए ।