काठमाडौँ । काठमाडौँ महानगरका प्रमुख बालेन्द्र शाह , उपप्रमुख सुनिता डंगोल र प्रमुख प्रशासकीय अधिकृत लोकनाथ पौड्यालसहित अधिकारीहरुले आज सम्पदा र पूर्वाधार क्षेत्रको अनुगमन गरेका  छन्  । उनीहरुले   स्वयम्भूस्थित धर्मचक्र पार्क र पलेस्वाँ पुखु अनुगमन थिए  । 

‘पूर्वाधार संरचनाको बलियोपना तथा सम्पदा र वातावरणमैत्री भए नभएको कुरालाई हामीले मुख्य रुपमा हेरेका छौँ ।’ अनुगमनपछि प्रमुख शाहले भने ‘पूर्वाधार निर्माण गर्दा वातावरणमा  परेको असरलाई पनि हामीले हेरेका छौँ ।’ उपप्रमुख सुनिता  डंगोलले ‘अनुगमनमा    देखिएका कमजोरी सुधार गर्ने बताइन् 

अनुगमनका क्रममा पलेस्वाँ पुखु र धर्मचक्र पार्कका विषयमा वडा १५ का अध्यक्ष ईश्वरमान डंगोलले जानकारी गराएका  थिए । वडामा पार्क तथा पोखरी निर्माण गर्दागर्दै व्यवस्थापनको पक्षमा पनि ध्यान दिने बताए । वडा २६ मा रहेको भगवान बहाल पुननिर्माणमा अहिलेको अवस्था र बाँकी कामका विषयमा पूर्ववडाध्यक्ष विश्वम्भरलाल प्रधानले जानकारी दिए  थिए  । उनकाअनुसार करीव ४ करोड लागतमा बहाल पुननिर्माणअन्तर्गत पहिलो चरणको काम सम्पन्न भएको बताए  । जसमध्ये १ करोड ५० लाख रुपैयाँ काठमाडौँ महानगरपालिकाको सहयोग छ । बाँकी रकम गुठी आन्तरिक स्रोतबाट निर्माण कार्य भइरहेको हो उनले भने   । दोस्रो चरणका लागि साढे ३ करोड लागतको अनुमान छ । जसमा  सिंहसार्थ बाहुको मन्दिर र आँगन मन्दिर जीर्णोद्धार गर्ने उनले बताए  । 

अनुगमनका क्रममा वडा २७ महाबु महाबौद्धमा रहेको पुननिर्मित तमोवहाः क्पाः पा छेँ को निर्माण शैली र अहिलेको अवस्था हेरिएको थियो ।  वडा नम्बर ५ मा रहेको पञ्चेधारा तथा पार्क निर्माणको अवलोकनका क्रममा धारामा पानीको प्रवाह सम्भावना हेरिएको थियो । त्यसबेला आएका स्थानीयहरुसँग प्रमुख शाहले धाराको विगतका विषयमा र प्राविधिकहरुसँग जलप्रवाह सम्भावनाका विषयमा कुराकानी गरेका  थिए  । अनुगमनका क्रममा कार्यपालिका सदस्यहरु मीना सिंह, मैयालक्ष्मी महर्जनसहित निर्देशकहरु बसन्त आचार्य, नरेन्द्र विलास बज्रचार्य, राम थापाको सहभागी थिए ।