सोसल मिडिया
Contact Us
युनिकोड
काठमाडौं : बाग्मती प्रदेशसभामा बैठकमा गठबन्धनकातर्फबाट मुख्यमन्त्रीमा नेकपा (एकीकृत समाजवादी)का प्रदेशसभा संसदीय दलका नेता राजेन्द्र पाण्डेको नाम प्रस्ताव गरिएको छ ।
प्रदेशसभाको जारी बैठकमा मुख्यमन्त्री अष्टलक्ष्मी शाक्यले विश्वासको मत माग्दै राखेको प्रस्तावमाथिको छलफलमा सहभागी माओवादी केन्द्रका प्रदेशसभा संसदीय दलका नेता शालिकराम जमरकट्टेलले शाक्यलेलाई विश्वासको मत दिन नसक्ने बताए ।
उनले गठबन्धनको तर्फबाट मुख्यमन्त्रीमा नेकपा (एकीकृत समाजवादी)का नेता राजेन्द्र पाण्डेलाई मुख्यमन्त्रीमा प्रस्ताव गरेको बताए ।
प्रदेशसभामा १०९ जना सांसद छन् । सरकार बनाउनका लागि ५५ जना सांसदको समर्थन आवश्यक पर्छ । तर, प्रदेशसभामा अहिले एमालेसँग ४३ जना सांसद छन् । यो संख्या सरकार बनाउन १२ सांसद अपुग हो ।
गठबन्धन निर्वाचित तानाशाहविरुद्ध उभियो : राजेन्द्र पाण्डे
नेकपा (एकीकृत समाजवादी)का नेता राजेन्द्र पाण्डेले निर्वाचित तानाशाहविरुद्ध गठबन्धन उभिएको बताए ।
बाग्मती प्रदेशसभाको बिहीबारको बैठकमा उनले गठबन्धन निर्वाचित तानाशाहविरुद्ध उभिएकाले मुख्यमन्त्री अष्टलक्ष्मी शाक्यलाई विश्वासको मत दिन नसक्ने बताए ।
शाक्यलाई मुख्यमन्त्रीबाट राजीनामा दिएर मार्ग प्रशस्त गर्न आग्रह गर्दै उनले मुख्यमन्त्री शाक्यविरुद्ध उभिनुपर्ने दिन आएको बताए ।
बिहीबारको जारी बैठकमा मुख्यमन्त्री शाक्यले विश्वासको मत माग्दै प्रस्ताव पेस प्रस्तुत गरेकी छन् ।
उक्त प्रस्तावमाथि छलफलमा सहभागी हुँदै माओवादी केन्द्रका नेता शालिकराम जमरकट्टेलले मुख्यमन्त्री शाक्यलाई विश्वासको मत दिन नसक्ने भन्दै मुख्यमन्त्रीमा राजेन्द्र पाण्डेको नाम प्रस्ताव गरेका छन् ।
प्रदेशसभामा १०९ जना सांसद छन् । सरकार बनाउनका लागि ५५ जना सांसदको समर्थन आवश्यक पर्छ । तर, प्रदेशसभामा अहिले एमालेसँग ४३ जना सांसद छन् । यो संख्या सरकार बनाउन १२ सांसद अपुग हो । यता गठबन्धनसँग ५९ जना सांसद रहेका छन् ।
गठबन्धनमा आवद्ध दलहरू माओवादी केन्द्रसँग २३, कांग्रेससँग २२, नेकपा (एकीकृत समाजवादी)सँग १३ र जसपाका एक जना सांसद छन् । यसैबीच प्रदेशसभा विवेकशील साझाका दुई र नेमकिपाका दुई र राप्रपाका दुई जना सांसद छन् ।
बाग्मती प्रदेशसभाको बैठक १० कात्तिकमा
बाग्मती प्रदेशको प्रदेशसभाको बैठक १० कात्तिकमा बस्ने भएको छ । बिहीबार बसेको बैठकमा मुख्यमन्त्री अष्टलक्ष्मी शाक्यले राखेको विश्वासको मत माग्ने प्रस्तावमाथि दलीय धारणा राखिएको छ ।
दलीय धारणा राख्ने क्रममा विपक्षी गठबन्धनले मुख्यमन्त्री शाक्यलाई विश्वासको मत दिन नसक्ने भन्दै आफूहरूको तर्फबाट मुख्यमन्त्रीमा नेकपा (एकीकृत समाजवादी)का राजेन्द्र पाण्डेको नाम प्रस्ताव गरेका छन् ।
दलीय धारणापछि प्रदेशसभाका सभामुख सानुकुमार श्रेष्ठले विश्वासको मत माग्ने प्रस्तावमाथिको बाँकी प्रक्रिया १० कात्तिक बुधबार दिउँसो १ बजे बस्ने बैठकमा अघि बढ्ने जानकारी दिए ।
माओवादी केन्द्रसँग २३, कांग्रेससँग २२, नेकपा (एकीकृत समाजवादी)सँग १३, विवेकशील साझाका दुई, नेमकिपाका दुई, राप्रपाका दुई र जसपाका एक जना सांसद छन् ।
