एनपीएल विजेता टिमलाई बधाई दिँदै प्रधानमन्त्रीले जनाए आठवटै क्लबका क्रिकेट रंगशाला निर्माण गर्ने प्रतिवद्धता

शनिबार, मंसिर ५, २०८३
काठमाडौं । प्रधानमन्त्री वालेन्द्र शाहले नेपाल प्रिमियर लिग (एनपीएल) विजेता सुदूरपश्चिम रोयल्सलाई बधाई दिएका छन् ।  शनिबार भएको फाइनलमा सुदूरपश्चिमले उपाधि उचालेलगत्तै साँझ सामाजिक सञ्जालमा लेख्दै प्रधानमन्त्रीले बधाई ज्ञापन गरेका हुन् ।  उनले सबै आठवटै क्लबका आफ्नै फ्लडलाइटसहितका क्रिकेट रंगशाला निर्माण हुने प्रतिवद्धतासमेत जनाएका छन् । ‘नेपाल प्रिमियर लिगको छैटौँ संस्करणदेखि होम एन्ड अवे प्रणालीमा प्रतियोगिता सञ्चालन गर्ने गरी सबै आठवटै क्लबका आफ्नै फ्लडलाइटसहितका क्रिकेट रंगशाला निर्माण हुनेछन् । क्रिकेट रंगशाला नेपाल सरकार, पूर्वाधार विकास मन्त्रालयले निर्माण गरिदिनेछ’ प्रधानमन्त्रीले भनेका छन्, ‘फाप्ला क्रिकेट रंगशालाको निर्माण प्रक्रिया अघि बढिसकेको छ । आगामी तीन महिनाभित्र सबै रंगशालाको निर्माण प्रकृया अघि बढाईनेछ ।’
क्रिकेटको व्यावसायिक विकास र विस्तारका लागि आवश्यक पूर्वाधार निर्माणमा सरकार तयार रहेको उनले स्पष्ट पारेका छन् ।
उनका अनुसार निर्माण गरिने रंगशालाको विवरण यसप्रकार छन् ।
१. विराटनगर किंग्स –बैजनाथपुर क्रिकेट रंगशाला
२. लुम्बिनी लायन्स – सिद्धार्थ क्रिकेट रंगशाला
३. कर्णाली याक्स – सुर्खेत क्रिकेट रंगशाला
४. सुदूरपश्चिम रोयल्स – फाप्ला क्रिकेट रंगशाला
५. काठमाडौं गुर्खाज (कीर्तिपुर क्रिकेट मैदान
६. पोखरा एभेन्जर्स – पोखरा क्रिकेट रंगशाला
७. जनकपुर बोल्ट्स – रामजानकी क्रिकेट रंगशाला
८. चितवन राइनोज – गौतमबुद्ध क्रिकेट रंगशाला
 
प्रकाशित मिति: शनिबार, मंसिर ५, २०८३  २१:३२
प्रतिक्रिया दिनुहोस्
विशेष
अन्तर्वार्ता
जीवनशैली
शिक्षा
समाचार