जाकार्ता । इन्डोनेसियाको सरकारले यहाँका १२ देखि १७ वर्ष उमेर समूहका बालबालिका र  युवायुवतीलाई  पनि कोरोना भाइरसका विरुद्धको खोप लगाउन शुरु गरेको छ । यो उमेर समूहका नागरिकलाई खोप लगाउनका लागि शुक्रबारबाट अभियान नै शुरु गरिएको छ । शुक्रबार राजधानी जकार्तामा रहेको एक सार्वजनिक विद्यालयबाट सो खोप अभियानको शुरुवाता गरिएको छ ।  शुक्रबार बिहान सो विद्यालयका १०० जना विद्यार्थीलाई खोप लगाएर सो अभियान थालिएको हो । यहाँको सरकारले बालबालिकालाई खोप लगाउने कार्यक्रमलाई एक राष्ट्रिय अभियानका रुपमा शुरु गर्ने जनाएको छ । इन्डोनेसियाको जाकार्ता प्रान्तीय प्रशासनले यस क्षेत्रका कम्तीमा पनि १२ लाख बालबालिकालाई यो खोप दिने लक्ष्य राखेको छ । विद्यालयमा नै पुगेर सो खोप दिइने यहाँका स्वास्थ्य अधिकारीले जानकारी दिएका छन् ।  यहाँ यही जुलाई १ सम्मको तथ्यांकअनुसार यहाँका तीन करोडभन्दा बढी नागरिकले सिनोभ्याक्सको एक मात्रा खोप लगाइसकेका छन् । त्यसैगरी एक करोड ३० लाख मानिसले दुवै मात्रा खोप लिएका यहाँको स्वास्थ्य मन्त्रालयका अधिकारीले जानकारी दिएका छन् ।– सिन्ह्वा