काठमाडौं । जल तथा मौसम विज्ञान विभाग, मौसम पूर्वानुमान महाशाखाका अनुसार आज देशका पहाडी भू–भागमा आंशिक देखि सामान्य बदली रही  बाँकी भू–भागमा आंशिक बदली देखी मौसम सामान्यतया सफा रहनेछ ।  

नेपालमा पश्चिमी वायूको सामान्य प्रभाव रहेकोले हाल देशका सुदूर पश्चिम, कर्णाली र लुम्बिनी प्रदेशमा आंशिक बदली तथा बाँकी भू–भागमा मौसम सामान्यतया सफा रहेको विभागले जनाएको छ । साथै तराईका स्थानहरुमा हुस्सु÷कुहिरो लागेको अवस्था छ ।

आज दिउँसो देशका पहाडी भू–भागमा आंशिक देखि सामान्य बदली रही बाँकी भू–भागमा आंशिक बदली देखी मौसम सामान्यतया सफा रहनेछ ।  देशको उच्च पहाडी तथा हिमाली भू–भागको थोरै स्थानहरूमा हल्का हिमपातको सम्भावना रहेको पनि विभागले उल्लेख गरेको छ ।

आइतबार राती देशका पहाडी भू–भागमा आंशिक देखि सामान्य बदली रही बाँकी भू–भागमा मौसम सामान्यतया सफा रहनेछ । गण्डकी र कोशी प्रदेशको उच्च पहाडी तथा हिमाली भू–भागको एक दुई स्थानमा हल्का हिमपातको सम्भावना रहेको पनि विभागले जनाएको छ  देशभरको तापक्रम घट्दो क्रममा रहेकाले चिसोबाट बच्न आवश्यकसतर्कता अपनाउन महाशाखाले सबैमा अनुरोध गरेको छ ।