काठमाडौं । लुम्बिनी प्रदेशमा नवनियुक्त मुख्यमन्त्री डिल्लीबहादुर चौधरीले भोलि मङ्गलबार विश्वासको मत लिँदै छन् । आज सोमबार विश्वासको मत लिने तय भएपनि अन्तर्राष्ट्रिय श्रमिक दिवसको सार्वजनिक बिदा परेकाले भोलि मङ्गलबारका लागि सारिएको हो ।
प्रदेशसभामा रहेका आठ दलको समर्थनमा वैशाख १४ गते मुख्यमन्त्री नियुक्त भएका चौधरीले विश्वासको मत लिएपछि मात्रै मन्त्रिमण्डललाई पूर्णता दिने योजना बनाएका छन् ।
गठबन्धन दलमा मन्त्रालयको भागवण्डा नटुङ्गिएका कारण चार सदस्यीय मन्त्रिमण्डल गठन गरिएको छ । मुख्यमन्त्रीसँगै नियुक्त भएका तीन जना मन्त्री पनि बिना विभागीय मन्त्रीले शपथ लिएका छन् ।