जयलकुमारी र बालकुमारीको मूर्तिमा प्राण प्रतिष्ठा

समाचार

गृहपृष्ठ
समाचार

जयलकुमारी र बालकुमारीको मूर्तिमा प्राण प्रतिष्ठा गोदावरीका नगरप्रमुख भन्छन्, ‘सम्पदा संरक्षणमा अब्बल काम गरेका छौं’

शब्दपाटी मंगलबार, चैत १४, २०७९

ललितपुर । गोदावरी नगरपालिकामा अवस्थित जयलकुमारी र बालकुमारी मन्दिरमा रहेको मूर्तिमा प्राण प्रतिष्ठा गरिएको छ । वडा नं.५ मा अवस्थित यी मन्दिरमा रहेको ३३ कोटी देवताको मूर्ति केही समयअघि चोरी भएको थियो । यसैगरी चामु सिलवाल खत्रीले निर्माण गरेको जयलकुमारी र बालकुमारीको रथ समेत मन्दिरका पुजारी रमेश श्रेष्ठलाई हस्तान्तरण गरिएको थियो । तामाको छाना राखिएको रथ आकर्षक देखिएको छ ।
गोदावरी नगरपालिकाका प्रमुख गजेन्द्र महर्जनले नगरपालिकाले मूर्त र अमूर्त सम्पदा संरक्षणका लागि प्रशस्त काम गरेको बताए । उनले भने, ‘स्थानीय तहको निर्वाचन २०७४ अघि हाम्रो नगरपालिकामा भत्केका, जीर्ण भएका मठमन्दिर धेरै थिए, अहिले फाट्फुट्ट मात्रै छन् ।’
धार्मिक, सांस्कृतिक, ऐतिहासिक मठमन्दिरको संरक्षणलाई नगरपालिकाले प्राथमिकतामा राखेको बताउँदै उनले सम्पदा संरक्षणमा नगरपालिकाले अब्बल काम गरेको दाबी गरे ।

337188221_908175667140865_985869957364442184_n1679976638.jpg
उनले मन्दिर पुनर्निर्माण र सम्पदा संरक्षणमा सहयोग गर्ने सबैलाई धन्यवाद दिएका छन् । उपप्रमुख मुना अधिकारीले धार्मिक, ऐतिहासिक, सांस्कृतिक सहर गोदावरी नगरपालिकाले सम्पदा संरक्षणसँगसँगै नागरिकको दैनिकी सजिलो बनाउने कामलाई प्राथमिकतामा राखेको बताइन् ।
लामो समयदेखि जीर्ण अवस्थामा रहेका यी मन्दिरको आर्थिक वर्ष २०७८÷२०७९ मा पुनर्निर्माण सम्पन्न भएको थियो । गोदावरी नगरपालिकाका प्रवक्ता एवम वडा नंं.५ का वडा अध्यक्ष मिलन सिल्वालले मन्दिरको ऐतिहासिक पक्षको चर्चा गर्दै यी मन्दिर गोदावरी नगरभित्रका आकर्षक र कलात्मक मन्दिरमध्येको एक भएको दाबी गरे । गोदावरी नगरपालिकाका प्रमखु प्रशासकीय अधिकृत प्रवीण कोइरालाले कार्यक्रममा उपस्थित सबैलाई धन्यवाद दिए । यी मन्दिर पुनर्निर्माण गर्न पुरातत्व विभागले समेत सहयोग गरेको थियो । २०७२ सालको भूकम्पले यी मन्दिरलाई थप जीर्ण बनाएको पुजारी रमेश श्रेष्ठ बताए । उनले भने, ‘मन्दिर जीर्ण हुँदा भगवानको दर्शनमा पनि डराएर गर्नुपथ्र्यो, अहिले सुरक्षित छौं ।’