सोसल मिडिया
Contact Us
युनिकोड
रोल्पा । शैक्षिकसत्र सकिनै लाग्दा समेत रोल्पामा पाठ्य पुस्तक नपुग्दा विद्यार्थीहरू मर्कामा परेका छन । सुनिलस्मृति गाउँपालिका, सुनछहरी र लुङ्ग्री गाउँपालिका स्तरिय अर्धवार्षिक परीक्षा ०७९ पुस ११ गतेदेखि सुरू हुदै छ । तर सुनछहरी गाउँपालिका– ३ मा रहेको जनता माविमा विद्यालयमा पाठ्य पुस्तक पुरा नपुगेका कारण परीक्षाको समयमासमेत पढ्न पाउने अधिकारबाट वञ्चित हुनुपरेको विद्यार्थीहरूले गुनासो गरेका छन् । कक्षा ६ को विज्ञान तथा कक्षा आँठमा स्वास्थ्य विषयको पाठ्पुस्तक आफूहरुले नपाएको जनता माविमा अध्यनरत छात्रा लालमाया घर्तीले बताइन् । विद्यालय खुलेको लामो समयसम्म पनि पाठ्यपुस्तक उलब्ध नहुनु दुखद भएको घर्तीले बताइ् ।
यसैगरी, सुनिलस्मृति गाउँपालिकाको केन्द्र सुलिचौरमा रहेको सूर्योदय माविमा पनि कक्षा ६ र कक्षा आठको स्वास्थ्य तथा सामाजिक विषयको पाठ्यपुस्तक हालसम्म पनि उपलब्ध नभएको प्रधानाध्यपक बेगम कवरले बताए । जिल्ला सदरमुकाम लिवाङमै रहेको बालकल्याण नमुना माविमा ,थावाङ गाउँपालिकामा रहेको वीरबलभद्र नमुना माविमा अङ्ग्रेजी माध्यमबाट कक्षा दशसम्म नै पठनपाठन हुने गरेको छ भने जिल्लाका अधिकांश विद्यालयका साना कक्षाहरुमा अङ्गे्रजी माध्यमबाट नै पठन पाठन हुँदै आएको छ ।
पठनपाठन सुरू भएको लामो समय भइसक्दा पनि विद्यालयमा पाठ्यपुस्तक नपुग्दा विद्यार्थीहरू समस्यामा परेका छन् । कक्षा एक, दुई, तीन, चार, सात र नौ कक्षाका अङ्ग्रेजी माध्यमका कुनै पनि पाठ्यपुस्तकहरू नहुँदाअविभावकहरू चिन्तित भएका छन् । विद्यालयमै पाठ्यपुस्तक नआएपछि शिक्षकहरूले दिएको नोटको भरमा पठन पाठन भइरहेको वीर बलभद्र नमुना माविमा कक्षा नौ मा अध्यनरत मिलन विश्वकर्माले बताए ।
बालकल्याण नमुना माविका प्रधानध्यापक मधुसुधन पोख्रेलले कतिपय पुराना किताबले काम चलिरहेको बताए ।अंग्रजी माध्यमको मात्र होइन जिल्ला भरीका अधिकांश विद्यालयमा नेपाली माध्यमको पुस्तक समेत आइपुगेको छैन् । पुस्तक तथा स्टेशनरी व्यवसायी महासंघ रोल्पाका अध्यक्ष सालिग्राम सुवेदीका अनुसार यस वर्ष कक्षा एक देखि सात र कक्षा नौ को अङ्गे्रजी भाषा विषयको पाठ्पुस्तक र नेपाली भाषा विषय अन्तर्गत कक्षा ६ को विज्ञान, कक्षा आठको स्वास्थ्य शारीरिक विषय नेपाल सरकारले नै हालसम्म नछापेको बताए ।