बैतडी, १ माघ । बैतडीको दशरथचन्द नगरपालिका–११ मा जारी  टि–१० क्रिकेट प्रतियोगिताअन्तर्गत शुक्रबार चार खेल सम्पन्न भएको छ । तीमध्ये आयोजक एनआरवासी टीम र त्रिपुरा सेमिफाइनलमा प्रवेश गरेका छन् ।  
एनआरवासीले नानीगाड टाइगर्सलाई नौ विकेटले पराजित गर्दै सेमिफाइनलमा सुरक्षित भएको हो । बगलेखान खेल मैदानमा नानीगाडले दिएको ४७ रनको लक्ष्य एनआरवाइसीले १ विकेट क्षतिमा ३.३ ओभरमा पूरा ग¥यो । चार विकेट हात पारेका एनआरवासीका ऋषिकेश बोहरा उक्त खेलका म्यान अफ द म्याच भए । डाडाँबागलाई १२ रनले पराजित गर्दै त्रिपुरासुन्दरी पनि सेमिफाइनलमा पुगेको छ ।  त्रिपुराले दिएको १३२ रनको लक्ष्य पछ्याएको डाडाँबागले निर्धारित १० ओभरमा मात्रै ११९ रन बनाउन सक्यो । व्यक्तिगत २९ रन र दुई विकेट हात पारेका त्रिपुराका रमेश थापा म्यान अफ द म्याच चुनिए ।   
श्ुाक्रबारनै भएका अन्य दुई खेलमा कैलपाल र सिम विजयी भएको आयोजक नागार्जुन रणसैनी युवा क्लबका अध्यक्ष वीरेन्द्र चन्दले बताउनुभयो । नागार्जुन रणसैनी युवा क्लब बठ्ठा (एनआरवाइसी) को आयोजनामा यही पुस २४ गतेदेखि सुरु भएको प्रतियोगितामा १६ टोलीको सहभागिता रहेको छ । प्रतियोगिताको विजेतालाई २० हजार, द्वितीय हुने टिमलाई नगत १० हजार, ट्रफी र मेडल प्रदान गरिनेछ । म्यान अफ द सिरिजलाई रु दुई हजार पुरस्कार दिइनेछ ।