काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले सर्वदलीय बैठक आह्वान गरेका छन् । रास्वपा प्रवक्ता जगदीश खरेलका अनुसार बैठक बुधबार बिहान ११ बजे सिंहदरबारस्थित रास्वपा संसदीय दलको कार्यालयमा बस्नेछ । बैठकमा उच्चस्तरीय राजनीतिक संयन्त्र गठन गर्ने विषयमा छलफल हुने भएको छ । पछिल्लो राजनीतिक परिस्थितिबारे साझा धारणा निर्माण तथा आवश्यक समन्वयका विषयमा समेत बैठक केन्द्रित हुने बताइएको छ । यसैगरी, विपद् जोखिम न्यूनीकरण तथा व्यवस्थापनलगायतका विषयमा पनि बैठकमा छलफल हुने प्रवक्ता खरेलले जानकारी दिए । रास्वपाले विभिन्न राजनीतिक दलसँग छलफल तथा समन्वयका लागि सर्वदलीय बैठक बोलाएको हो ।