काठमाडौं । मोरङ जिल्लाका विभिन्न स्थानहरूमा कर्फ्यु आदेश जारी गरिएको छ ।  मंगलबार प्रमुख जिल्ला अधिकारी इन्द्रदेव यादवले विभिन्न समूह र पक्षहरूबाट आ–आफ्ना माग राखी प्रदर्शन गरिरहेको र हिंसात्मक गतिविधि लगायत हुलदंगा वा अशान्ति हुनसक्ने अवस्थालाई मध्यनजर गर्दै कफ्र्यू आदेश जारी गरिएको बताएका छन् । जिल्ला अधिकारी यादवका अनुसार स्थानीय प्रशासन ऐन, २०२८ को दफा ६ (क) बमोजिम कफ्र्यू आदेश जारी गरिएको हो । 
मोरङमा यि स्थानहरूमा कर्फ्यु आदेश जारी गरिएको छ : 
क) प्रदेश सभा– पुर्वमा नेपाल राष्ट्र बैंक, पश्चिममा कोशी अस्पताल चोक ।
ख) मुख्यमन्त्री कार्यालय उत्तरमा रोडशेष चोक, दक्षिणमा जतुवा चोक (कोभिड अस्पताल नजिक)
ग) मुख्यमन्त्री निवास–उत्तरमा रोडशेष, दक्षीणमा सिचाई मन्त्रालय जाने बाटो ।
घ) जिल्ला प्रशासन कार्यालय उत्तरमा शनिहाट, दक्षिणमा टेलिकम जाने मोड पश्चिममा गोल्छा आँखा अस्पताल । ङ) बिराटनगर महानगरपालिका पुर्वमा शनिहाट चोक, उत्तरमा बिराटेश्वर मन्दिर, दक्षिणमा गोल्छाचोक । च) प्रदेश प्रमुख कार्यालय पुर्वमा नहर, पश्चिममा कोशी राजमार्ग ।
छ) प्रदेश प्रमुख निवास– उत्तर मदननगर आवि, दक्षिण मानगढ खानेपानी, पश्चिममा नहर वरपरको ३०० मिटर क्षेत्र 
ज) Integrated Check Post -ICP को ३०० मिटर क्षेत्र ।
यादवले कफ्र्यू लागेका क्षेत्रमा कुनै पनि किसिमको सभा, जुलुस, भेला, धर्ना जस्ता कार्यहरु गर्न नपाउँने जानकारी गराएका छन् । आदेशको उल्लंघन गरी उल्लेखित कार्यकहरु गरेको पाइएमा प्रचलित कानून बमोजिम कारवाही गरिने गरिने समेत उनले जानकारी गराए ।