ललितपुर । ललितपुर महानगरपालिकाले निर्वाचित जनप्रतिनिधिहरूको टेबल नेमप्लेट रञ्जना लिपिमा लेख्न अभियान थालेको छ । अभियान अन्तर्गत महानगर उपप्रमुख मञ्जली शाक्य बज्राचार्यलाई टेबल नेमप्लेट हस्तान्तरण गरी अभियानको सुरुवात गरिएको छ । महानगरपालिकाको विकास तथा सुशासन समितिका संयोजक एवम् लपुमनपा–२७ का वडासदस्य निरोज महर्जनले हिजो महानगर उपप्रमुख शाक्यलाई नेमप्लेट हस्तारण गरी अभियान सुरुवात गरेका हुन् । हिजो नै वडा नं. १३, १६, २१, २२, २३, २४ वडामा वितरण गरिएको छ ।  समितिका सदस्यद्धय श्रद्धा थापा, एलिशा डंगोलले पनि अभियानका क्रममा उपस्थिति रहेको थियो । नेपालको मौलिक लिपिको रुपमा चिनिएको रञ्जना लिपि व्युँताउने अभियानमा महानगर लागेको हो । यो लिपिबाट नेपालको प्राचीन इतिहास, धर्म, संस्कृति, कला लेखिएका पाइन्छ । रञ्जना लिपि नेवा: समुदायमा बढी प्रचलित छ ।