लेले (ललितपुर) । ललितपुरको गोदावरी नगरपालिकाले नगरको वडा नं. ५ लेलेस्थित धान खेतमा आज धान दिवस कार्यक्रम सम्पन्न गरेको छ । असार १५ (धान दिवस) कार्यक्रमलाई विशेष उल्लास र गौरवका साथ मनाउन नगरपालिकाले लेलेको फाँटमा कार्यक्रम आयोजना गरेको हो । नगरप्रमुख गजेन्द्र महर्जनको प प्रमुख आतिथ्यमा आयोजित कार्यक्रममा नेपाली चलचित्र क्षेत्रका महानायक राजेश हमाल सहभागी भएका थिए । स्थानीय संस्कृति, परम्परा र कृषिको महत्त्वलाई उजागर गर्ने यस कार्यक्रमले गोदावरी नगरपालिकाको पहिचान र गौरवलाई अझ सशक्त रूपमा प्रस्तुत गरेको नगरपालिकाले बताएको छ । नेपाली फिल्मका महानायक राजेश हमाल पनि खेतमा पसेर धान रोपेका थिए ।