काठमाडौँ । जापान सरकारले देशमा बालबालिकालाई अनौठो नाम दिन प्रतिबन्ध लगाएको छ । जापानका धेरै अभिभावकहरूले अब आफ्ना बालबालिकालाई नाइके, पिकाचु वा पुडिङ जस्ता अनौठा र फरक नाम दिन थालेका छन् । यस्ता नामहरूलाई जापानमा 'किराकिरा नाम' भनिन्छ, जसको अर्थ चम्किलो वा धेरै फरक हुन्छ । नयाँ नियम अन्तर्गत, आमाबाबुले अब आफ्ना बालबालिकालाई कुनै पनि नाम दिन सक्ने छैनन्, विशेष गरी ती नामहरू जसको उच्चारण बुझ्न गाह्रो छ । यदि कुनै नामको सही उच्चारण पढेपछि बुझिएन भने, अधिकारीहरूले यसलाई रद्द गर्न सक्छन् । अब सरकारले मानिसहरूले यस्ता नामहरू राख्न सकून् जुन पढ्न र बुझ्न सजिलो होस्, ताकि कुनै समस्या नहोस् । पछिल्ला केही वर्षहरूमा यस्ता अनौठा नामहरूको संख्या बढेको छ, त्यसैले यो कदम चालिएको हो । केही मानिसहरू यो नयाँ नियमले आमाबाबुको स्वतन्त्रता खोसेको बताएका छन् । उनीहरुले आफ्ना बच्चा नाम राख्ने अधिकार सरकारले खोसेको दाबि छ । तर धेरै मानिसहरू यो निर्णयको पक्षमा पनि छन् । उनीहरू अनौठा नामका कारण बालबालिकालाई स्कूलमा जिस्क्याउने वा सरकारी काममा समस्या आउन सक्ने उनीहरुको तर्क छ ।