ललितपुर । लायन्स क्लब अन्तर्राष्ट्रीय डिस्ट्रिक्ट ३२५ ए १ का २२ वटा क्लब र चन्द्र सुर्य सहकारीको संयुक्त आयोजनामा लायन्स सर्विस सप्ताहको अवसरमा शनिबार बिहान सातदोबाटोमा रक्तदान कार्यक्रम सम्पन्न भएको छ । सुमेरु मार्ट सातदोबाटोमा भएको रक्तदान कार्यक्रम ५४ जना स्वमसेवी रक्तदाताले रक्तदान गरेका थिए । जुलाई १ देखि ७ सम्म समाजसेवा बिभिन्न कार्यक्रम गर्ने क्रममा आज रक्तदान सम्पन्न भएको हो । सुमेरु अस्पतालको प्राविधिक सहयोगमा सोही अवसरमा व्लड सुगर र किड्नीको निःशुल्क परिक्षण पनि गरिएको थियो ।  रगत अभावलाई मध्यनजर गरि रक्तदान कार्यक्रम को आयोजना गरिएको हो । मृत्युसँग लडिरहेको विरामीको जीवन बचाउन सकिन्छ भन्ने पवित्र उद्देयले लायन्स क्लब अन्तर्राष्ट्रीय डिस्ट्रिक्ट ३२५ ए १ मा आवद्ध क्लबहरुले रक्तदान कार्यक्रमको आयोजना गरेका हुन् ।