वासिंगटन डिसी । अमेरिकी संसद् र कंग्रेसले आफ्नो कार्यालयमा चीनको आर्टिफिसियल इन्टेलिजेन्स एआई च्याटबट डिपसिकको प्रयोगमा प्रतिबन्ध लगाएको छ ।  एक्सियोसको रिपोर्टका अनुसार अमेरिकी कंग्रेसले यस सम्बन्धमा एक सूचना जारी गर्दै प्रणालीमा खतरनाक सफ्टवेयर अपलोड गर्न धेरै च्याटबट प्रयोग भइरहेको जनाएको छ । यसले डिपसिकबाट हुने सम्बन्धित जोखिमहरू पनि बताएको छ । अमेरिकी कांग्रेसले एआई प्रविधिको द्रुत विकासका कारण सुरक्षा र प्रशासनिक चुनौतीहरूको सामना गरिरहेको बताएको छ। यसैबीच कांग्रेसका प्रमुख प्रशासकीय अधिकृतले अहिले डिपसीकमाथि अनुसन्धान भइरहेको बताए । यस कारणले यो अमेरिकी कांग्रेस कार्यालयहरूमा प्रयोग गर्न सकिँदैन । कुनै पनि सम्भावित खतरालाई सम्बोधन गर्न डीपसीकको प्रयोगलाई सदनद्वारा जारी गरिएका सबै उपकरणहरूमा प्रतिबन्ध लगाइएको छ। साथै, कर्मचारीहरूलाई आधिकारिक फोन, कम्प्युटर र ट्याब्लेटमा डिपसिक डाउनलोडमासमेत प्रतिबन्ध लगाइएको छ ।