सोसल मिडिया
Contact Us
युनिकोड
ललितपुर । ललितपुरको महालक्ष्मी नगरपालिका वडा नं ९ का निर्वाचित जनप्रतिनिधि आफ्नो वडाका ज्येष्ठ नागरिकसँग आर्शिवाद थाप्न घरदैलोमा पुगेका छन् । ‘ज्येष्ठ नागरिकहरु ईश्वरका प्रतीक हुन् उहाँहरूको आर्शिवचन सधै लाग्नेछ’, भन्ने पवित्र उद्देश्य लिएर महालक्ष्मी नगरपालिका वडा नं. ९ का निर्वाचिति जनप्रतिनिधिहरू वडाका ज्येष्ठ नागरिकहरूको घर दैलोमा पुगेर आर्शिवाद लिएको वडाअध्यक्ष जयकृष्ण बोगटीले शब्दपाटीलाई जानकारी दिनुभयो ।
ज्येष्ठ नागरिकबाट आर्शिवाद लिने क्रममा आफूहरू १०३ वर्षीया विष्णुदेवी बडाल र ९२ वर्षीय लिलानाथ घिमिरेको घरमा पुगेर नवदुर्गाको प्रसाद स्वरुप टीका एवं जमरा ग्रहण गरेको वडासदस्य शशिधर पोखरेलले जानकारी दिनुभयो ।
ज्येष्ठ नागरिकसँग आर्शिवाद लिन वडाअध्यक्ष जयकृष्ण बोगटी, वडा सदस्यहरु शशिधर पोखरेल, रामकेशर थापा, सरिता पोखरेल उहाँहरुकै घरदैलोमा पुग्नु भएको थियो ।
विजयादशमीका दिन ९ दिनसम्म पूजा आराधना गरी देवी बिसर्जन गरेपछि सुरु भएको प्रसाद लगाउने र मान्यजनबाट आशीर्वाद लिने क्रम भोलि कोजाग्रत पूर्णिमाका दिनसम्म जारी रहन्छ ।