रायमाझीलाई भुसालको शुभकामना सन्देश, 'युवाहरूलाई खाडीमा बेच्ने होइन, देशमै स्वरोजगार बनाऔं'

समाचार

गृहपृष्ठ
समाचार

रायमाझीलाई भुसालको शुभकामना सन्देश, 'युवाहरूलाई खाडीमा बेच्ने होइन, देशमै स्वरोजगार बनाऔं'

शब्दपाटी बिहीबार, मंसिर ८, २०७९

अर्घाखाँची । अर्घाखाँची जिल्लाबाट प्रतिनिधिसभा सदस्यमा निर्वाचित टोपबहादुर रायमाझीलाई तेस्रो बनेका हरिप्रसाद भुसालले बधाई तथा शुभकामना दिएका छन् ।

सामाजिक सन्जालबाट शुभकामना दिँदै भुसालले युवा स्वरोगारीलाई ध्यान दिन आग्रह गरेका छन् । भुसालले भनेका छन्. ‘अर्घाखाँचीका जनताको आम्दानीको स्रोत बढाउँदै बलिया पाखुरा भएकाहरुलाई खाडीमा बेच्नेभन्दा पनि जिल्लामै स्वरोजगार बनाउनुछ ।’

जिल्लाको शिक्षा र स्वास्थ्यलाई गुणस्तरीय अनि नि:शुल्क बनाएर मात्रै बढ्दो बसाइँसराइ रोक्न सकिने बताउँदै भुसालले सन्धिखर्क गोरुसिंगे सडक स्तरोन्नतिमा ध्यान दिन आग्रह गरेका छन् ।

‘सन्धिखर्क गोरुसिंगे सडक तत्काल स्तरोन्नति गर्नुछ । अस्पताल र विद्यालयको दुरावस्थाका कारण बसाईसराईको सोचमा रहेकाहरुलाई रोक्नुछ ।’ भुसालले भनेका छन्, ‘गाउँमा नै बसेपनि उपचार नपाएर मर्नुपर्दैन भनेर विश्वास आमजिल्लावासीहरुलाई दिलाउनु छ ।’

नेकपा एमालेका केन्द्रीय सचिवसमेत रहेका रायमाझीले ४२ हजार ६ सय ७५ मत ल्याएर निर्वाचित हुँदा तेस्रो बनेका राष्टिय स्वतन्त्र पार्टीका हरिप्रसाद भुसालले ३ हजार २ सय मत प्राप्त गरेका थिए ।

प्रकाशित मिति: बिहीबार, मंसिर ८, २०७९ १२:३३

प्रतिक्रिया दिनुहोस्