काठमाडौँ, १० चैत  । परराष्ट्रमन्त्री डा नारायण खड्काले पूर्वअमेरिकी विदेशमन्त्री मेडेलिन अल्ब्राइटको निधन भएकामा गहिरो दुःख प्रकट गर्दै समवेदना व्यक्त गरेका  छन् । 

   राष्ट्रपति बिल क्लिन्टनको प्रशासनमा पहिलो महिला विदेशमन्त्रीका रूपमा अमेरिकी विदेश नीतिलाई अगाडि बढाउन महत्वपूर्ण भूमिका निर्वाह गरेकी  उनको बुधबार ८४ वर्षको उमेरमा निधन भएको हो । उनीको  क्यान्सरबाट पीडित  थ्इिन्  ।

    “म्याडम अल्ब्राइटले नेपाल–अमेरिका सम्बन्धलाई मजबुत बनाउन गरेको  योगदान र मानवताप्रतिको करुणाका लागि नेपाली जनताले सम्झिरहनेछन् ”सामाजिक सञ्जालमा मन्त्री खड्काले समवेदना व्यक्त गर्दै लेखेका   छन्  ।

     एक शरणार्थी, आप्रवासी महिला उनलाई प्रतिभाशाली रणनीतिकार एवं कूटनीतिक ‘रोल मोडेल’ का रूपमा धेरै अमेरिकी महिला कूटनीतिज्ञहरूले लिने गरेका छन् । अमेरिकाको उच्च कूटनीतिज्ञ बन्नु अघि संयुक्त राष्ट्रसङ्घका लागि अमेरिकी राजदूतको रूपमा सेवा गरेकी  उनले आणविक हतियारको ओसार प्रसार रोक्न तथा विश्वभर मानवअधिकार र लोकतन्त्रको प्रवद्र्धनमा उल्लेखनीय भूमिका निर्वाह गरेकी थिइन्  ।