पर्वतको कुश्माबजारमा रहेको बिपी स्मृति भवनको उद्घाटनमा नेपाली कांग्रेसका वरिष्ठ नेता रामचन्द्र पौडेलले कम्युनिस्ट शक्ति विभाजन गरेर कांग्रेस ठूलो हुने नसोच्न कार्यकर्तालाई अनुरोध गरेका छन् । उनले भने, ‘हामी आफ्नै शक्तिले देशको ठूलो पार्टी हुने हो । कम्युनिस्ट फुटेका कारण ठूलो पार्टी हुने होइन ।’ वरिष्ठ नेता पौडेलले कांग्रेसमा आन्तरिक लोकतन्त्रलाई सबल बनाउनुपर्नेमा पनि जोड दिएका थिए । याे उद्घाटन भएको भवन ११ कात्तिक २०६६ मा शिलान्यास गरिएको थियो । भवन झण्डै १२ वर्ष पछि सम्पन्न भएको छ । कुल १ करोड ४७ लाखको लागतमा सो भवन निर्माण भएको हाे । भवनको उद्घाटन प्रधानमन्त्री एवं नेपाली कांग्रेसका सभापति शेरबहादुर देउवाले भर्चुअल (जुम) माध्यमबाट गरिएका थिए।
प्रकाशित मिति:
बिहिबार, असोज ७, २०७८, १५:४२:००
