काठमाडौं, २८ पुस। लामो समयदेखि सामाजिक कार्यमा क्रियाशील समाजसेवी धना आचार्यको नामबाट स्थापित धना फाउण्डेशनले निःशुल्क दन्त शिविर आयोजना गरेको छ । काठमाडौंको बल्खुस्थित सुकुम्वासी बस्तीमा सञ्चालन गरिएको निःशुल्क शिविरबाट ८० जनाले सेवा लिए । 
गरिब तथा न्यून आय भएका परिवारलाई सेवा गर्ने उद्देश्यले सञ्चालन गरिएको सो शिविरमा निःशुल्क उपचार, निःशुल्क औषधि तथा निःशुल्क एक्सरे सेवा उपलब्ध गराइएको फाउण्डेसनकी अध्यक्ष धना आचार्यले जानकारी दिइन । नयाँ दाँत राख्ने कार्यमा भने कुल खर्चको ६० प्रतिशत फाउण्डेसनले वेहोर्ने उनले बताइन । निःशुल्क शिविरमा युनिभर्सल डेण्टल हस्पिटल नागार्जुन  स्युचाटार काठमाडौंले सहयोग गरेको थियो । शिविरमा दाँच देखाएका सर्वसाधारणले जनचेतासँगै उपचार पनि पाएको भन्दै खुसी व्यक्त गरेका थिए ।