ललितपुर (महाँकाल) । दक्षिण ललितपुरको महाँकाल गाउँपालिकामा हिजो देखि प्रथम बागमती प्रदेश अन्तरपालिकास्तरीय राष्ट्रिय भलिबल प्रतियोगिता सुरु भएको छ ।  प्रज्ञा स्मृति प्रतिष्ठानद्वारा आयोजित उक्त बागमती प्रदेश अन्तरपालिकास्तरीय राष्ट्रिय भलिबल प्रतियोगिताको उद्घाटन प्रधानमन्त्री पुष्पकमल दाहाल ‘प्रचण्ड’ ले  गरे ।  दक्षिण ललितपुरको महाँकाल गाउँपालिका–३ गोटीखेलको महाँकाल माध्यमिक विद्यालय परिसरमा हिजोदेखि सुरु भएको प्रतियोगितामा बागमती प्रदेशका १६ टोलीको सहभागिता रहेको छ प्रतियोगिता यही वैशाख २५ गतेसम्म सञ्चालन हुनेछ । 

भलिवल प्रतियोगिता उद्घाटन गर्दै प्रधानमन्त्री प्रचण्डले महाँकाललाई पर्यटकीय गाउँपालिका घोषणा गर्न पहल गर्ने बताए ।  प्रधानमन्त्री प्रचण्डले बागमती प्रदेश सरकारलाई महाँकाल गाउँपालिकालाई पर्यटकीय पालिका घोषणा गर्न निर्देशन दिने बताए । विकासमा पछि परेको पालिका र यहाँका जनताको समस्या समाधानको विशेष ध्यान जाने उल्लेख गर्दै प्रधानमन्त्री प्रचण्डले आगामी आर्थिक वर्षको बजेटमार्फत महाँकाललाई प्राथमिकता दिने उनको भनाई थियो ।