सोसल मिडिया
Contact Us
युनिकोड
ललितपुर । जिल्ला निर्वाचन कार्यालय ललितपुरले मतदाता नामावली अद्यावधिकसहितका विषयमा मंगलबार सरोकारवाला निकायसँग छलफल गरेको छ । आयोगले स्थानीय निकायका गाउँपालिकाका अध्यक्ष–उपाध्यक्ष, नगरपालिकाका प्रमुख–उपप्रमुख तथा महानगरका प्रमुख उपप्रमुख, जिल्ला समन्वय समितिका प्रमुख, जिल्लाका सुरक्ष प्रमुख तथा सञ्चारकर्मीसँग छलफल गरेको हो । छलफलमा जिल्ला निर्वाचन कार्यालय ललितपुरकी प्रमुख गोमा धमलाले निर्वाचन आयोगले दिएको कार्यतालिका प्रस्तुत गरिन् । उनले भनिन्, ‘२०७९ साल बैशाख ३० गते सम्पन्न स्थानीय तह निर्वाचनमा ललितपुरमा १ लाख १८ हजार ९ सय ३३ जना पुरुष मतदाता तथा १ लाख २४ हजार ९ सय ५० महिलासहित अन्य १ जना मतदाता रहेका थिए ।’ उनले २०७९ असार ३० देखि साउन १९ सम्म मतदाता नामवली संकलन गर्दा ३ हजार ६ सय ३९ पुरुष र ३ हजार ५ सय ८६ महिला मतदाता थप भएको जानकारी दिइन् । उनले विबाहीत महिलको दोहोरो नामवली भएको जनगुनासो आएकाले दोहोरिएको नाम हटाउन स्थानीय तहलाई सहयोग गर्नु आह्वान गरिन् । उनले भनिन्, ‘आफूहरुलाई आयोगबाट जस्तो निर्देशन आउँछ त्यसै अनुसार काम गर्ने हो ।’
जिल्ला प्रशासन कार्यलयका प्रमुख (प्रजिअ) घनश्याम उपाध्यले मंसिर ४ को प्रदेश र संघको निर्वाचन स्वच्छ र निस्पक्ष रुपमा सम्पन्न गर्न स्थानीय तहको पनि महत्वपूर्ण भुमिका रहने बताउँदै मतदाता शिक्षासहित निर्वाचनमा धेरै मतदाताको सहभागिता बढाउन निर्वाचन प्रचार प्रसारका लागि पनि स्थानीय तहका प्रमुखसँग सहयोगको अपेक्षा राखे । उनले निर्वाचन सम्पन्न नभएसम्म यस्ता अन्तरक्रिया र छलफल भइरहने बताए । उनले सञ्चार जगत एवम् पत्रकारलाई निर्वाचनको दिन समाचार संकलनको सहज वातावरण बनाउने विषयमा आयोगको निदेशन अनुसार नेपाल पत्रकार महासंघसँग छलफल गरी अघि बढ्ने बताए ।