सोसल मिडिया
Contact Us
युनिकोड
ललितपुर । पत्रकार एवम् मानव अधिकारकर्मी दिपक घिमिरेको धापाखेलस्थित समावेशी टोलमा रहेको गाईगोठमा बिहीबार राति आगलागी भएको छ । राति ९ बजे तिर भएको आगालागीका कारण गोठ पूर्ण रुपमा क्षति भएकाे ललितपुर महानगरपालिका वडा नं २४ का वडाअध्यक्ष दिनेशजंग पाण्डेले जानकारी दिए । आगलागीमा परी ६ वटा गाई तथा एउटा बाच्छो मरेकाे छ ।
आगलागी के कारणले भएको हो त्यसबारे एकिन जानकारी आइसकेको छैन । क्षतिको मूल्याङ्कनका लागि प्रहरीले मुचुल्का उठाइरहेको छ । ललितपुर महानगर वडा कार्यालयले मरेका गाईको व्यवस्थापन तथा तत्काल राहतका लागि प्रारम्भिक चरणमा ५० हजार रुपैयाँ उपलब्ध गराएको वडाअध्यक्ष दिनेशजंग पाण्डेले शब्दपाटीलाई जानकारी दिए । घिमिरे केही समयदेखि कृषि पेशामा पनि क्रियाशील छन् । दिगो दृष्टि साप्ताहिक सञ्चालन गरेका उनी इन्सेकसँग पनि आबद्ध छन् ।