सोसल मिडिया
Contact Us
युनिकोड
अहमदाबाद (भारत ) । भारत भ्रमणमा रहेका ललितपुर महानगर प्रमुख चिरीबाबु महर्जनले भारतको अहमदाबादमा रहेको पिराना डम्पिङ साइटको अवलोकन गरेका छन् । फोहोर व्यवस्थापनमा दिल्लीमा जस्तै अहमदावादमा पनि फोहोर व्यवस्थापन उदाहरणीय भएको उनले बताए ।
उनले भने , ‘ हामीले धेरै सिक्न सक्छौं ,फोहार व्यवस्थापनमा धेरै काम भएको छ यहाँ, यो हाम्रो लागि अनुकरणीय छ ।’ पिराना डम्पिङ साइट ५० वर्ष पुरानो डम्पिङ साइट हो । यो साइटमा रहेको फोहोरलाई फिल्टर गरी छुट्याइएको सडक निर्माणका लागि कच्चा पदार्थको रुपमा प्रयोग भइरहेको छ ।
सिमेन्ट फ्याक्ट्रीको लागि प्लाष्टिक जन्य कच्चा पदार्थ प्रयोग भइरहेको पिराना डम्पिङ साइटका प्रतिनिधिले बताएका छन् । ८४ याक्टर ९लगभग ६ सय रोपनी० मध्ये ३५ याक्टरमा डम्पिङ भएको फोहोरको व्यवस्थापन भएको छ । डम्पिङ साइटका प्रतिनिधिले भने,‘ अब दुई वर्षभित्र यो डम्पिड साइट खाली हुन्छ ।’ डम्पिड साइट खाली भएपछि यो ठाउँमा विरुवा रोपी अर्बान फरेस्टको रुपमा विकास गर्ने योजना रहेको छ ।
भारत सरकारको निमन्त्रणामा फोहोरमैला व्यवस्थापन, हरियाली प्रबद्र्धन, स्मार्ट सिटीका अन्य अवयवहरुका बारेमा भारतको विभिन्न सहरहरुको असल अभ्यास बुझ्न ललितपुर महानगरपालिका वडा नंं.१४ का वडाअध्यक्ष अमृत जंग महत र पर्यटन सल्लाहकार दिलेन्द्रराज श्रेष्ठसहित भारत आएका हुन् ।