सोसल मिडिया
Contact Us
युनिकोड
काठमाडौं । प्रधानमन्त्री पुष्पकमल दाहाल प्रचण्डले वरिष्ठ जनगायक जेवि टुहुरे साहित्य र सांस्कृतिक आन्दोलनको धरोहर भएको बताएका छन् । काठमाडौंमा आइतबार वरिष्ठ जनगायक जेवि टुहुरेको दोस्रो स्मृति दिवस तथा श्रष्टा सम्मान कार्यक्रममा प्रधानमन्त्री दाहालले जनगायक टुहुरे कुनै पार्टी, गुट विशेष विशेषको मात्र नभएर सिङ्गो राष्ट्रको वाम लोकतान्त्रिक, साहित्य र सांस्कृतिक आन्दोलनको एउटा धरोहर भएकाले उनलाई कँहि कतै कैद गर्न खोजियो भने अन्याय हुने तर्क गरे ।
उनले भने, ‘उहाँ कुनै पार्टी विशेष, गुट विशेष या कुनै समूह विशेषको मात्र धरोहर होइन । उहाँ सिङ्गो राष्ट्रको नेपालको वाम लोकतान्त्रिक आन्दोलनको, साहित्य र सांस्कृतिक आन्दोलनको एउटा धरोहर हो । उहाँलाई कँहि कतै कैद गर्न खोजियो भने मेरो विचारमा उहाँमाथि अन्याय हुन्छ ।’ प्रधानमन्त्री दाहालले टुहुरेको गीतहरूले नागरिकको दुःख र अन्यायको विरुद्ध आवाज उठाउने गरेको बताए । टुहुरेको योगदान प्रेरणाको श्रोत बनेर अमर रहने टिप्पणी गरे । उनले भने, ‘नागरिकको दुःख बोल्थ्यो अन्यायको विरुद्ध आवाज उठाउँथ्यो । सिङ्गो राजनीति परिवर्तनका निम्ति अप्ठ्यारोमा जनताको राहतको लागि उहाँको योगदान आज पनि छ र भोलि पनि प्रेरणाको श्रोत बनेर अमर रहन्छ ।’