बागमती नदीको तटीय क्षेत्रमा १० बजेसम्म उच्च सतर्कता अपनाउन मौसम विज्ञान विभागकाे अनुराेध

शुक्रबार, भदौ ८, २०८०

काठमाडौं । जल तथा मौसम विज्ञान विभागले बागमती नदीको तटीय क्षेत्रमा बिहान १० बजेसम्म उच्च सर्तकता अपनाउन आग्रह गरेको छ । विभागले शुक्रबार बिहान एक सूचना जारी गर्दै भारी वर्षका कारण बागमती नदी बाडी आउने सम्भावना औल्याउँदै रौतहट, सर्लाहीको डुबान भईरहने क्षेत्रमा रहनेहरूलाई पनि सतर्कता अपनाउन आग्रह गरेको हो । 
शुक्रबार विभागले समाजिक सञ्जाल मार्फत बागमती नदीको पधेरादोभान बाढी मापन केन्द्रमा जलसतह सतर्कता तह पार गरेको र बढ्दो रहेकाले उच्च सर्तकता अपनाउन आग्रह गरेको छ । बागमती नदीको पधेरादोभान बाढी मापन केन्द्रमा जलसतह सतर्कता तह पार गरेको र बढ्दो रहेकाले, तटीय क्षेत्र रौतहट, सर्लाहीको डुबान भईरहने क्षेत्रमा रहनु हुनेहरू बिहान १० बजेसम्म उच्च सतर्कता अपनाऔँ। 
विभागले कोशी, बागमती, गण्डकी, लुम्बिनी र मधेश प्रदेशका थोरै स्थानहरूमा मेघ गर्जन र चट्याङ्गसहित भारी वर्षाको समेत सम्भावना रहेको तथा यी क्षेत्रहरूबाट बहने नदीको जल सतह बढ्ने, गेग्रान बहाव, बाढी, पहिरो, भूक्षयजस्ता प्रकोप हुन सक्ने भएकाले जोखिम वा क्षतिबाट बच्न आवश्यक सतर्कता अपनाउन महाशाखाले आग्रह समेत गरेको छ । 

प्रकाशित मिति: शुक्रबार, भदौ ८, २०८०  ०९:३१
प्रतिक्रिया दिनुहोस्
विशेष
अन्तर्वार्ता
जीवनशैली
शिक्षा
समाचार